Бороо орж, өдөржин бүрхэг бүүдгэрдүү байхад юу ч хиймээргүй санагддаг. Эсвэл нартай, дулаахан сайхан өдөр сэтгэл сэргэдэг шүү дээ. Эндээс үзэхэд цаг агаар хүний аз жаргал, амьдралдаа сэтгэл ханамжтай байхад эрс нөлөөлдөг байна. Гэхдээ энэ бол цаг агаарын бидний бие махбодод үзүүлж буй цорын ганц нөлөөлөл биш.

1.Бага температуртай байхад бат бөх унтдаг. Унтаж амрахад хамгийн тохиромжтой температур бол 15-20 градус. Биеийн температур буурах үед тархи цаанаасаа унтахад автоматаар бэлтгэж эхэлдэг байна. Харин халуун, чийглэг уур амьсгалтай үед унтахад хэцүү. Тиймээс зун болоход зарим хүмүүс унтаж чадахгүй, нойрны асуудалд ордог аж.

2.Зуны улиралд бидний даралт багасдаг. Агаарын даралтын ерөнхий өөрчлөлтийн үр дүнд даралт багасдаг аж. Бас нэг шалтгаан гэвэл өвөл, намрын хүйтэн цагт бидний судас агшиж, артерийн даралт үүнийг дагаад нэмэгддэг байна. Тэгэхээр хавар болмогц бие хөнгөрч байгаа мэт мэдрэмж төрдөгт гайхах зүйлгүй юм.

3.Дулаан цагт илүү бүтээлч болдог. Мичиганы их сургуулийн сэтгэл зүйчид нэгэн сонирхолтой зүйл тогтлыг илрүүлжээ. Бид өвөлжин ядарч эцсэн тархиа шинэ эрч хүчтэйгээр ажиллуулъя гэвэл цэвэрт агаарт аль болох олон цагийг өнгөрөөх ёстой гэнэ. Зуны нарлаг сайхан өдрийг оффисын цонхоор харж өнгөрүүлснээр үр дүн гарахгүй. Харин гадуур зугаалж, тархиа сэргээх хэрэгтэй. Цэцэгсийн сайхан өнгө, үнэрт баясаж, дотоод сэтгэлээ сэргээснээр өвлийн турш ядарсан биеэ амрааж, ажиллах бүрэн эрч хүчтэй болно.

4.Бороо, чийглэг агаар харшлыг нэмэгдүүлдэг. Харшилтай хүмүүс бороо орж, агаарт дэгдсэн ургамлын тоосонцордарагдаасай гэж хүсдэг. Гэвч бороо орохын өмнө агаарын урсгал нэмэгдэж, салхи босч, агаар дахь тоосонцрууд тал тал тийш дэгддэг. Тиймээс та харшил үүсгэгчээс хол байсан ч өвчин сэдрэх магадлалтай гэсэн үг.

5.Нарны гэрэл сэтгэл гутралаас ангижруулдаг. Хаврын анхны өдрөөс эхлэн өдөр бүр доод тал нь 30 минут гадаа байхад бүтэн өдрийн турш сэтгэл санаа өөдрөг болдог аж. Ялангуяа улирлын чанартай сэтгэл гутралд автдаг хүмүүс энэ аргыг хэрэгжүүлэх хэрэгтэй гэж Мичиганы их сургуулийн сэтгэлзүйчид зөвлөж байна.
Мөн сэтгэлээр амархан унадаг хүмүүс зуны цагт аль болох эрт босч, зохиомол гэрэлтүүлгээс хол байж нь чухал. Гэхдээ дуу цахилгаантай борооны өмнөх бүгчим халуун, хэт чийглэг агаартай өдөр сэтгэл санаагаар унаж болзошгүй гэдгийг анхаараарай.

6.Тохирсон уур амьсгалдаа хүн илүү сэтгэл өөдрөг болдог. Гадаах орчны температур хүний аз жаргалын түвшин, амьсгалын ханамжид хэрхэн нөлөөлдөг тухай олон судалгаа бий. Гэхдээ орон оронд хүмүүсийн дуртай уур амьсгал харилцан адилгүй.

7.Өвлийн хүйтэн сэтгэцийн эрүүл мэндэд нөлөөлдөг. Статистик судалгаанаас харахад АНУ-д жил бүр 10 сая хүн харанхуй, хүйтэн улиралтай холбоотойгоор сэтгэл санааны хямралд ордог байна. Азаар хавар болж дулаармагц бүх хүний сэтгэл санааны байдал илт сайжирдаг.

8.Хэт халуун тархинд муу. Англи хэлэнд зуны хамгийн халуун өдрийг “dog days” буюу “нохойн өдөр” гэж нэрлэдэг. Үүнийг монгол хэлнээ хөрвүүлбэл “нохой гаслам халуун” гэдэгтэй яг дүйнэ.
Долдугаар сарын сүүлчээр үргэлжлэх энэ өдрүүдэд гамшиг болж болзошгүй, анхааралтай байх хэрэгтэй гэж эртний ромчууд үздэг байжээ. Үнэхээр ч халуун өдрүүдэд зүрх судасны системд сөргөөр нөлөөлдөг. Мөн усгүйдэж, наранд цохиулах ч эрсдэлтэй. Энэ үеэр биедээ байнга ус авч явах хэрэгтэй.

9.Халуун болох тусам хүсэл төрдөг. Европт зуны хамгийн анхны улирал зургаадугаар сард хүмүүсийн дур хүсэл эрс нэмэгдэж, статистик судалгаанаас үзэхэд ирэх жилийн гуравдугаар сард төрөлт 10 хувиар өсдөг аж. Энэ нь тестостероны түвшин, эмэгтэйчүүдийн даавар дулааны улиралд нэмэгддэгтэй холбоотой.

Эх сурвалж: