Хөдөлмөрийн зах зээл эрэлт ихтэй байгаа. Гэвч ажиллах хүч ихэнх салбарт дутагдалтай. Мөн ажилгүйчүүд өнөөдөр 37 мянга болоод байна. Ийм харьцангуй байдлыг арилгаж, ажилгүйдлийг багасгахын тулд Хөдөлмөрийн яамнаас баримталж буй бодлогын нэг хэсэг нь гадаадаас ажиллах хүч авах квотыг багасгах явдал ажээ. Иймээс тус яам ирэх онд энэ квотыг 30 хувиар бууруулахаар болсон байна. Манай улс гадаадаас жилд 25-28 мянган хүн авч ажиллуулж байгаа юм. Үүнийг ажилгүй иргэдийнхээ тоотой харьцуулахад бараг ойртож, монголчууд ажлын байраа гадаадынханд алдах дүр зураг харагдаж байлаа.
Б.Баяр
Эх сурвалж: Tumen.mn
