Өдөр бүр гэрийн ажилд дарагдаад дээр нь хүүхдүүдээ өсгөх, ар гэрээ авч явах, хайртай хүмүүсээ халамжлах, ажил албаа амжуулах гээд цаг зав хомсхон л байна уу бүсгүйчүүд минь?
Энэ их ажлын хажуугаар, эрүүл мэнд, гоо сайхнаа мартаж хэзээ ч болохгүй. Тэгвэл бодит байдлыг боломж болгон хувиргадаг, бүгдийг амжуулж, өөртөө итгэлтэй, өөдрөг үзэлтэй төгс төгөлдөр ээж болох тийм ч хэцүү биш аж. Дараах зөвлөгөөг амьдралдаа хэрэгжүүлээд үзээрэй.
1. Хамгийн гол зүйл мэдээж цаг төлөвлөлт. Цагийг хэрэгтэй, чухал зүйлдээ зарцуулж, амьдралын чинь алтнаас үнэтэй цаг хугацааг хумслах хэрэгцээгүй зүлсээс хол байж, хайртай хүмүүстээ хамгийн их цагийг гаргаж чаддаг бүсгүй гайхалтай байх нь мэдээж.
2.Өглөөний цайгаа уух нь өдрийн амжилтыг тодорхойлдог гэвэл та итгэх үү? Өглөөг хэрхэн өөдрөг баяр жаргалтай угтна, тэр эрчээрээ өдрийг үр бүтээлтэй өнгөрүүлэх боломж өндөр байдаг. Үүний салшгүй нэг хүчин зүйл нь өглөөний цай. Өглөөний цайгаа ганцаараа байсан ч залхууралгүй заавал уух хэрэгтэй. Гэр бүлээрээ тойрч суугаад өглөөний цайгаа бүрэн уугаад, халуун дулаан яриа өрнүүлж, бие биедээ амжилт хүссэн үгс хэлэх, хөгжилтэй зүйлсийн талаар хөөрөлдөх зэрэг нь юугаар ч орлуулашгүй эерэг энергийг өгдөг байна.
3.Спортыг зуршил болго. Хичнээн завгүй байсан ч дасгал хөдөлгөөн хийх аль нэг спортын төрлөөр хичээллэхийг албан ажил мэтээр тогтмол хэрэгжүүлж, мөнхийн рашаан олсон мэтээр шунаглан дурла. Учир нь спорт танд урт нас, уужуу тайван зан, өөдрөг үзэл, өөртөө итгэх итгэл, тэсвэр тэвчээр төдийгүй оюун ухааны царааг ч нэмэгдүүлдэг., ГАЖ хүмүүжилтэй хүмүүсээс өөрийгээ чөлөөл. Утгагагүй яриа, хов живээр залхааж, хүнд атаархдаг, өөрийнхээ төлөө өөдтэй зүйл хийдэггүй арчаагүй гэж хэлж болохуйц хүмүүс байдаг шүү дээ. Тийм найз нөхдөө өөрчилж, зөвөөр үлгэрлэн дуурайлгаж чадахгүй байвал тэднээс аль болох хол байх нь зөв. Учир нь чиний амьдралын үнэ цэнэтэй зүйлсээс өөрийн дураар хулгайлахыг зөвшөөрч болохгүй шүү дээ.
5. Ус чандмань эрдэнэ.
Усны хэрэглээг нэмэгдүүл. Өөрөө төдийгүй хайртай хүмүүсийнхээ усны хэрэглээнд үргэлж анхаар. Чандмань эрдэнээс хүртэхийн хирээр хүний бие гаднаасаа ч дотроосоо ч гэрэлтэн гийдэг. Эрүүл амьдралын энгийн бөгөөд хамгийн чухал хэрэглээ гэдгийг байнга сана. Өдөрт 2 литрээс илүү хэмжээгээр ус ууж хэвшээрэй.
Эцэст нь хэн нэгэнтэй өөрийгээ харьцуулж гутарч суух биш, хэн нэгэнд найдаад хүлээж суух биш, хэзээ нэгэн цагт болно доо гэж хойшлуулах биш яг одооноос өөрчлөлтийг өөрөө эхлүүлж, өөрөө мэдэрч үр дүнг нь үзээрэй.
Энэ бүхэн бол Супер эмэгтэйн, супер ээжийн алтан дүрэм, өдөр тутмын амьдралын хэв маяг, дадал зуршлын салшгүй хэсэг байх ёстой юм байна шүү.
Хайртай хүмүүсийнхээ төлөө, өөрийнхээ төлөө ЭРҮҮЛ амьдралыг цогцлоох эрхэмсэг бүсгүй танд амжилт хүсэе.
Нийтэлсэн: Д.Болор
Эх сурвалж: Онцгой.мн
