Д. Даваажаргал болон Г. Эрдэнэбаяр хоёр 2021 оны 10-р сарын 18-нд Эрүүл хүн-Эрүүл хүнс уриатай Зорилготой амьдралын аянд уриалаад явж байгаа дугуйтай аялагчид маань Ховдоос гарч 42 хоногийн хугацаанд 2000км зам дугуйтай туулж нийт туулах замынхаа 2/3 -ийг туулаад байгаа аж.
Г. Эрдэнэбаяр агротехникч, Д. Даваажаргал ой зүйч мэргэжилтэй. Өөрчлөлтийг өөрсдөөсөө эхэлж, зорилготой тэмүүлэлтэй амьдархад залуучуудаа уриалан өөрсдийн чадах зүйлээрээ эх орондоо хувь нэмэр оруулах хүсэл тээн эрүүл хүн-эрүүл хүнс гэсэн уриатай зорилготой амьдралын аяныг өрнүүлэн унадаг дугуйтай Монгол орныхоо баруун хязгаар гурван аймгийн дунд орших Цамбагарав уулнаас гараагаа эхэлж Дорнод аймгийн Халх гол сум Буйр нуур хүрээд бариагаа хийхээр зорилго тавин жийж хэрэг болох бүхнээ дугуйндаа ачаад жийж явнаа.
Ингэж баруунаас зүүн хязгаар хүрэхдээ говь нутаг улсын хилээ даган явж инээмсэглэж буй Монголийг зурнаа. Ковид бидэнд олон зүйлийг илчлэн харууллаа. Эрүүл байх хэрэгтэйг, өөрсдөө үйлдвэрлэгч байх хэрэгтэйг. Вагон вагоноор авчирдаг хүнсний нарийн ногоогоо өөрсдөө тариад дотооддоо хэрэглээд илүүг нь экспортолдог болмоор байна. Бидэнд боломж байна. Аянаа дуусгаад үүнийг ажил хэрэг болгох болно. Зорилго байгаа учраас цаг агаар, саадыг үл ажран урагшилсаар байна.
Д. Даваажаргал аялалд гарахаасаа өмнө зүрх өвддөг, бие их сул байсан харин аялалд гараад биеийн байдал их сайжирч, зүрхний өвчин эдгэрч байгаа тухайгаа дурдаж байсан юм. Дугуйтай хоёр аялагч Д. Даваажаргал болон Г. Эрдэнэбаяр нартаа амжилт хүсье
