УИХ-ын гишүүн Ч.Ундрамын нөхөр Б.Наранцацралт "Хүүхдүүдээ ээж нь хүчирхийлдэг" талаарх бичлэгийг ил болгосон нь өдгөө олны анхаарлыг татаад байгаа.
Тэгвэл Б.Наранцацралтыг УИХ-ын гишүүн Ч.Ундрамын гомдлын дагуу "Худал дуудлага өгсөн" хэмээн зөрчлийн хэрэг үүсгэж, торгох шийтгэл ногдуулжээ. Харин гэр бүлийн хүчирхийлэл үйлдсэн байж болзошгүй гэгдэж байгаа Ч.Ундрамын тус хэргийг хөөн хэлэлцэх хугацаа дууссан гэх шалтгаанаар зөрчил гэж тодорхойлогдохгүй байх магадлалтай болсон талаар Б.Наранцацралт өөрийн цахим хуудсаараа дамжуулан мэдээлжээ.
Тэрбээр энэ талаар "Би хүүхэд хүчирхийлэлд өртөж байж магадгүй гэж 108-д 5 дуудлага өгсөн байна. Тэгсэн цагдаа худал дуудлага өгсөн гэж зөрчлийн хэрэг үүсгэж торгох хуудас бичиж өглөө. Цагдаа нарынхаар бол хүчирхийлэл болоод өнгөрсний дараа би дуудлага өгөх ёстой байсан юм байх. Ч.Ундрамын гомдлын дагуу юм байна. Харин бичлэг дээр Ч.Ундрамын хүүхэд хүчирхийлсэн баримттай хэрэг хөөн хэлэлцэх хугацаа дууссан гэдгээр зөрчил гэж тодорхойлогдохгүй байх магадлалтай болчлоо" гэжээ.
