МУГТ, сонирхогчдын боксын олимп, дэлхийн мөнгөн медальт “King TUG” Нямбаярын Төгсцогт мэргэжлийн рингэн дэх ээлжит тулаанаа Мексикийн Луйс Алберто Варгастай хийнэ.
Тулаан 2021 оны тавдугаар сарын 29-нд АНУ-ын Калифорниа мужийн Карсон хотын "Dignity Health Sports Park" цэнгэлдэх хүрээлэнд болох юм. Тэрбээр өөрийн цахим хуудсандааа "Сайн байцгаана уу? Элэг нэгт Монголчууд Та бүхэндээ Зуны тэргүүн сарын шинийн нэгний билэгт сайн өдрийн мэндийг хүргэе!
Мэргэжлийн боксын рингэн дэх 14 дэх тулаан маань болоход 18 хоног үлдлээ. Цар тахалтай энэ хэцүү цаг үеийг туулж буй Монголчууддаа бага ч болов сэтгэлийн илч өгч, тулааны албан ёсны эрхээ аль нэг телевизэд үнэ төлбөргүй хүргэхээр шийдвэрлэснээ дуулгая!
Монгол Улс мандан бадраг! Монгол хүн бүртээ эрүүл энхийг хүсье!" хэмээжээ. Дэлхийн дайдад Монгол нэрээ дуурсгаж яваа Н.Төгсцогтдоо спортын өндөр амжилт хүсэн ерөөе
