Чөлөөт бөхийн Азийн аварга шалгаруулах тэмцээн Катар улсын Доха хотод эхэллээ. Энэ тэмцээн нь манай тамирчдын хувьд дараагийн шат буюу олимпын эрхийн төлөөх чансааг тодорхойлох чухал тэмцээн байлаа. Гэвч харамсалтай нь уг тэмцээнд оролцооор явсан Б.Баяраа дасгалжуулагтай багийнхан визний асуудлаас болоод эх орондоо эргэн иржээ. Тэд Дубайн хилийг нэвтэрч чадалгүй буцсан байна. Учир нь тэдний зорчих бүртгэл, мэдээлэл нь хил гаалийн албанд нь хүрч очоогүй байсан байна. Нэгэнт мэдээллээ явуулаагүй, эсвэл явуулсан ч очих ёстой цэгт нь очоогүй бол яалтай ч билээ. Ийнхүү Азийн аварга шалгаруулах тэмцээнд манай чөлөөтийн Д.Гомбодорж, Д.Хүдэрбулга, Н.Золбоо нар оролцож чадсангүй. Ийм бүтэлгүй явдалд хариуцлага хүлээх эзэн одоогоор тодорхойгүй байна.
Б.Баяр
Эх сурвалж: Tumen.mn
