Судалгааны байгууллага болох SICA компани Нийгмийн хөгжлийн нэгдсэн хүрээлэнтэй хамтран Монгол Улсын нийгэм, эдийн засаг, улстөрийн байдалд судалгаа хийжээ.
2014 оны 9 дүгээр сарын 15-21 хүртэл 7 хоногийн хугацаанд хийж гүйцэтгэсэн гэсэн үг. Хот, хөдөөгийн 2548 иргэнийг судалгаанд хамруулж санал бодлыг нь танджээ.
Судалгаанд оролцогчдын 60 хувь нь амьдралын сэтгэл ханамж тааруухан дүр зураг ажиглагдаж байна. Дээрх судалгаанд хамрагсдын 60 хувь нь дунд зэрэг гэж хариулжээ. Сүүлийн 2 жилийн хугацаанд өөрчлөлт орсон гэхэ 58 хувь нь хэвэндээ гэсэн байна. Хот, хөдөөгийн иргэд нийгэмд хамгийн тулгамдаж байгаа асуудлыг авлигал, архидалт гэж дүгнэсэн байна.
Эдийн засгийн талаасаа ядуурал, өргөн хэрэглээний барааны үнийн өсөлт, ханшийн өсөлт зэрэг сэтгэлийг зовоож байна гэжээ. Н.Алтанхуягийн тэргүүлж байгаа Засгийн газарт судалгаанд оролцогчдын 53 хувь нь дунд гэсэн үнэлгээ өгчээ. Тэгэхээр Засгийн газрыг тааруухан ажиллаж байна хэмээн дүгнэж байгаагийн илрэл юм. Энэ Засгийн газрын үед автозамын бүтээн байгуулалт, орон сууцны 8 хувийн зээл хоёрыг иргэд хамгийн сайн хийж байгаа ажлууд гэж үнэлсэн байна.
Энд нэг сонирхолтой үзүүлэлт байгаа юм. Иргэд Засгийн газрын ажлыг юугаар дүгнэх вэ гэдгээ илэрхийлжээ. Тэд дуу нэгтэйгээр иргэдийн амьжиргаа хэр сайжирснаар хэмж гэжээ. Гэвч иргэдийн амьжиргааны түвшин дээшлээгүй, ядуурал хүрээгээ тэлсээр байна.
Засгийн газрыг огцруулах асуудлын талаар судалгаанд оролцсон иргэд ийнхүү дүгнэсэн байна. 47 хувь нь зарим нэг сайдыг огцруулах хэрэгтэй, 37 хувь тогтвортой байдал хэрэгтэй гэжээ. ҮҮнээс харахад засгийн тогтвортой байдал хамгийн чухал гэж үзэж байгаа юм байна.
Улсын хэмжээнд шилдэг арван улстөр хэмээн гэхэд саналаа ийнхүү өгчээ. Улстөрчид өөрсдийгөө үүнд багтаж гэж хамгийн их анхаардаг билээ.
