Засгийн газрын ээлжит бус хуралдааны талаар мэдээлэл хийх үеэр "Карантин 14" шоуны талаарх асуултад Засгийн газрын Хэвлэл мэдээлэлтэй харилцах газрын дарга Ц.Ганзориг хариулт өглөө.
Тэрбээр "Энэ нэвтрүүлэгт Засгийн газар, УОК буюу татвар төлөгчдийн нэг ч төгрөг байхгүй. Засгийн газрын хөрөнгө оруулалт, төсвийг УИХ баталдаг, аудит хянадаг. Телевизүүдийн удирдлагууд мэдэгдэл гаргасан байсан. Долоон телевиз хамтран энэ нэвтрүүлгийг хийж байгаа. Үндэсний татвар төлөгч томоохон компаниуд санхүүжүүлж байгаа. Карантины үед иргэд үзэх харах зүйлтэй байх ёстой гэдэг зорилгоор хийж байгаагаа хэлсэн.
Албан ёсоор хэлэхэд үүнд Засгийн газар ямар ч санхүүжилт гаргаагүй болно" хэмээн мэдэгдлээ.
