Сүхбаатар аймгийн зарим иргэдийн санаачлагаар нутгийнхаа цөөн тооны тарваганд цус сэлбэлт хийжээ. Тодруулбал, Сүхбаатар аймгийн Эрдэнэцагаан сумын 4 дүгээр багийн Улсын сайн малчин Ц.Сүхтогоогийн санаачлагаар Зотол хан ууланд үлдсэн цөөн тооны тарваганыхаа цусыг сэлбэх саналыг сумын Засаг даргад тавьж, дэмжигдсэн байна.
Орон нутгийн дэмжлэгээр Дорнод аймгийн Баян-Уул сумаас эм-9, эр-10 нийт 19 тарвага тээвэрлэж ирэн нутагтаа нутагшуулжээ.
Тарвага нь оршин амьдарч байгаа газар нутгийнхаа экосистемийн тогтолцооны чухал нэгэн бүрэлдэхүүн хэсэг болж экологийн тэнцвэрт байдалд гол үүрэг гүйцэтгэдэг амьтан юм байна.
