Эрүүл мэндийн сайд Т.Мөнхсайхан мэндчилгээ дэвшүүллээ
Орчин цагийн эрүүл мэндийн салбар үүсч хөгжсөн 95 жилийн түүхэндээ та бид хамгийн хүнд, хариуцлагатай түүхэн сорилттой тулгараад байна. Салбарын маань эмч эмнэлэгийн ажилтнууд та бид өргөсөн тангарагтаа үнэнч байж, хэцүү цаг үеийг хамтдаа даван туулна гэдэгтээ бүрэн итгэлтэй байна.
Эрүүл мэндийн салбар нэг талдаа аюулт цар тахлыг давах, нөгөө талдаа салбарт шинэчлэлт шаардсан эгзэгтэй цаг үетэй учраад байна. Тиймээс амаргүй энэ цаг үеийг бид хамтдаа давж чадна аа.
Эрүүл мэндийн салбарынхандаа, тэдний гэр бүл, үр хүүхдэд болон бидэнд итгэж буй нийт Монголчууддаа шинэ оны мэндийг дэвшүүлж, эрүүл энх, аз жаргал, сайн сайхан бүхнийг хүсэн ерөөе!
ХАМТДАА ДАВНА
