Ой тогтоолтын 23 дахь удаагийн дэлхийн аварга шалгаруулах тэмцээн БНХАУ-ын Хайнань мужид энэ сарын 7-14-ний өдрүүдэд болж өнгөрлөө. Тус тэмцээнд манай улсын ой тогтоолтын баг маш амжилттай оролцож, нийт 11 медаль хүртжээ. Ингэснээр манай оюуны тамирчид 26 орны 184 тамирчдыг хошуучилж, багийн дүнгээр нэгдүгээр байранд бичигдлээ. Мөн дунд насны ангилалд өрсөлдсөн Э.Пүрэвжав, А.Анударь нар багц хөзөр цээжлэх төрөлд нэг цагт 520 ширхэг хөзөр цээжлэх нормоо хангасан тул олон улсын мастерийн гурван болзлын хоёр дахь болзлыг хангасан байна.Эх сурвалж: Dorgio.mn
