Сонгинохайрхан дүүргийн Өрхийн эрүүл мэндийн төвүүдийн эмч, сувилагч, эмнэлгийн мэргэжилтнүүд амралтын өдрүүдэд 0-5 насны хүүхдийн Амьсгалын замын халдварт өвчин болох томуу, томуу төст болон менингит өвчнөөс урьдчилан сэргийлэх зөвлөмжийг өрх бүрт хүргэж, уртасгасан цагаар ажиллаж байна. Тодруулбал, дараах эрүүл мэндийн үйлчилгээг бага насны хүүхдүүдэд гэрт нь үзүүлж байгаа юм.
Амбулаторийн хүүхдийн үзлэг
Гэрийн эргэлт
Уушгины хатгалгаатай хүүхдийн өдрийн эмчилгээ
Утсаар зөвлөгөө өгөх
Зорилтот бүлгийн хүүхдийн үзлэг, эмчилгээ
Хөнгөлөлттэй эм бичих
Хүүхдэд утлага, шарлага
Мөн томуу, томуу төст өвчний эмчийн үзлэгийг Баянхошуу, Поликлиник, Толгойт амбулаторид өдөр бүр 08:30-22:00 цагийн хооронд хийж байна.
