Авлигын хэргээр хуулийн байгууллагад олон жил шалгуулсан УИХ-ын гишүүн асан Ц.Батбаярт холбогдох хэргийг өнгөрсөн оны долоодугаар сард шүүхээр шийдвэрлэсэн билээ. Ингэхдээ шүүхээс шүүгдэгч Ц.Батбаярыг гэмт буруутайд тооцож, чанга дэглэмтэй хорих ангид 2.1 жилийн хорих ял оноосон юм.
Ц.Батбаяр нь Нийслэлийн Засаг дарга, Өмч хувьчлалын комиссын даргаар ажиллаж байхдаа албан тушаалаа ашиглаж 605 сая төгрөгийн хохирол учруулсан тул ийнхүү яллагдсан байдаг.
Тэгвэл Ц.Батбаяр өдгөө ШШГЕГ-ын харьяа Мааньт дахь 415 дугаар ангид ял эдэлж байгаа аж. Түүний тухайд 415 дугаар хорих ангийн худгийн манаач, ус түгээгчээр ажиллаж байгаа гэнэ. Хорих ангийн худгийн манаач нь хорих анги руу ордоггүй бөгөөд харьцангуй хөнгөн нөхцөлтэй ажилд тооцогддог юм байна.
Эх сурвалж www.wikimon.mn
