1992 онд ар Монголд ирж, ардчилсан хувьсгал хэрхэн яаж өрнөж, ялалтанд хүрсэнийг өөрийн биеэр үзэж танилцсан Өмнөд Монголын тэмцэгч Хадаа нутагтаа очоод Хөх хот дахь хувийн дэлгүүрийнхээ үүдэнд хүмүүсийг цуглуулан ардчилсан хөдөлдөөнд уриалсан хэргээр баривчлагдан ял эдэлсэн нэгэн билээ. Хадаагийн тэмцэл нь Хятадаас Өмнөд Монголыг тусгаарлахад бас чиглэж байсан тул тийнхүү улс төрийн онц хүнд гэмт хэрэгтэнд тооцогдсон байлаа. Тэрбээр амьдарлынхаа 20 жилийг шоронгийн хүнд хэцүү орчинд өнгөрүүлжээ. Түүнийг Олон улсын хүний эрхийн байгууллагаас байнга анхаарч ирсэн бөгөөд ар Монголын ардчилсан үзэл санаатай залуус ч санаа тавьж, ар гэрийнхэнтэй нь холбоо тогтоож байжээ. Олон улсын хүний эрхийн өдөр буюу 12 дугаар сарын 10-ны өдрийг угтан дэлхийн өнцөг булан бүрээс цахим хуудсаар дамжуулан Хадааг суллахыг шаардаж байв. Ингээд Хятадын хуулийн байгууллагаас түүнийг энэ сарын 9-ны өдөр шоронгоос суллажээ.
Б.Баяр
Эх сурвалж: Tumen.mn
