Хулгайд их бага, хүнд хөнгөн хамаагүй. Хөтөлийн “Цемент шохой” ТӨХК-ы захирал Л. Наранбаатар мэтийн бумбын тахилга хийлгэсэн, пиво уусан гэх мэтийн улсад ашиг байтугай хэрэг байхгүй зардлуудаар хэтрүүлсэн улсын өмч, ард түмний баялагт хандах цэвдэг сэтгэлтэй, цэвэрхэн царайтай ч харласан шуналтай хурган дарга нарыг цэгцлэх нь зүй. Улс төржилтийн бохир технологийг дарга болох шат болгон ашиглах улмаар төрийн өмчийг шамшигдуулан дампууруулах ийм байдлыг ор мөргүй болгох нь авлигалын эсрэг хүчтэй эрс шийдэл шаардах ажил болно.

Намаараа түлхүүлж даам гарсан л бол түмний өмчөөр дургиж үл болно. Л.Наранбаатарын үйлдвэрээ 5,6 саяар бумбын тахилаар даатгуулсан байдлыг нийгэм шүүмжилж дуусаагүй байтал мань эр нэгжийнхээ дарга нарыг ажлаас халж “шүүр ажиллагаанд нэгдлээ...” гэж ирээд постолсон нь нэг талаас шүүр ажиллагааг гутаах, нөгөө талаас өөрөө цэвэр шударга хүн болох гэсэн ядмаг арга гэдгийг хүмүүс ойлгож байна.

Иймэрхүү шударга бус нь ил цагаандаа гарсан хөнгөхөн пи арч мөртлөө хор аюул нь багагүй өт хорхойнууд төрийн албанд түм бумаараа бий болсон нь өнөөгийн хямрал зүдгүүрийн нэгээхэн том шалтгаан. Засгийн газар үнэхээр авлигачдыг шүүрдэх гэж байгаа бол ийм л паразитуудаас түргэн салж байж том тулаа барьж чадна. Харин хий дэмий улс төрийн шуурганд өртөж алмайрсаар удвал аяндаа цагийн түрхэлт өөр болох вий.