Монголын Залуучуудын Холбооноос 7 дахь жилдээ зохион байгуулж буй “Залуу хүн” цуврал лекц удахгүй эхэлнэ.
Энэхүү лекцээр нийгмийн салбар бүрт амжилттай ажиллаж байгаа лидерүүд амжилтад хүрсэн нууцаасаа хуваалцаж, сонирхолтой энгүүн яриа өрнүүлдэг билээ. Энэ жилээс залуусынхаа санал хүсэлтийг харгалзан үзэх үүднээс онлайн санал асуулга явуулж, оролцогчдыг тодруулахаар шийджээ.
Залуус Холливудад монгол хүний мөрийг анх гаргасан жүжигчин Б.Амарсайхан болон “Х ТҮЦ”-ийн царайлаг залуу Т.Бархүү нарт хамгийн их санал өгөөд байна. Харин тэдний араас дуучин Rokitbay, реппер Gее, Буриад улсын гавьяат жүжигчин Б.Амархүү нар нэхэж яваа аж.
Дашрамд сонирхуулахад, өнгөрсөн жилүүдэд урлагийнхнаас төрийн соёрхолт, найруулагч Н.Наранбаатар, жүжигчин Б.Навчаа, Катя Зол нэрээр олонд танигдсан загвар зохион бүтээгч Г.Золцэцэг нар залууст зориулан лекц уншиж байсан юм.
www.mnews.mn
