Дундговь аймгийн Бага газрын чулууны уулын өвөрт малчин Баярцогт байгалийн музей байгуулан ажиллуулж байна. Тал хээр, говийн бүсэд амьдардаг амьтдын чихмэлийг өөрөө урлан тайлбарыг нь хийн гэр музей байгуулжээ. Баг газрын чулууг гадаад дотоодын жуулчид ихээхэн ирж үздэг. Тэдэнд мөн үзүүлэх юмтай, мэдлэг олгох гэр музей нь их сонирхолтой гэнэ.
Ирсэн жуулчин, зочдыг айргаар дайлж түүх соёлоо ярьж өгөөд гэр музейгээ сонирхуулдаг аж. Гол төлөв жигүүртэн шувуудын чихмэлээс бүрдэг гэр музейг нутгийн удирдлагууд ихээхэн үнэлж өргөжүүлэх саналтай байгаа юм байна. Жирийн нэгэн малчин хүч хөдөлмөр гарган байгалийн үзэсгэлэнт тогтоц бүхий газартайгаа уялдуулан гэр музей байгуулсан анхны тохиолдол юм.
Б.Санчир
ЭХ СУРВАЛЖ : TIMES.MN
