Омикрон хувилбарын халдварлах чадварын талаар УОК-ын дэргэдэх Эрдэмтдийн зөвлөлийн гишүүн О.Батбаяр мэдээлэл өглөө. Тэрбээр "Омикрон болон дельта хувилбарын халдварлах магадлал/R value/ дельта дээр 0.8 байсан бол омикрон 2 гэж үзэж байгаа.

Энгийнээр тайлбарлавал дельта хувилбараар халдварласан 10 хүн дунджаар 8 хүнд халдвар тарааж байгаа бол омикроноор өвчилсөн 10 хүн цаашаа 20 хүнд халдвар тараах чадвартай гэж ойлгож болно. Халдварлах чадвар эрс өссөн гэсэн үг.

Өмнөд Африкийн Бүгд Найрамдах улсад 14 хоногийн өмнө өдөрт дунджаар 250 тохиолдол бүртгэгдэж байсан бол одоогоор 4,500 тохиолдол бүртгэгдэж байгаа.

Омикрон хувилбар одоогоор нэн шинэ байгаа учраас халдварын эмнэл зүйн шинж тэмдэг, хүндрэл, нас баралт, эмчилгээний үр дүн судлагдсаар байна. ӨАБНУ-ын эрүүл мэндийн байгууллагуудад эмчлэгдэж байгаа хүмүүсийн хувьд шинж тэмдэг хөнгөн байгаа гэдгийг мэдээлж буй. Эмчилгээний тактик өөрчлөгдөөгүй. Вакцинд хамрагдаагүй буюу 12 хүртэлх насныхны халдвар авах эрсдэл нэмэгдэж байна гэдгийг мэдээлсэн" хэмээн хэллээ.

ВИДЕО ҮЗЭХ: /2021.12.03/