УИХ-ын Ш.Адьшаа хууль тогтоох эрх мэдэл, хуулийн хэлэлцүүлэг, өргөн барихтай холбоотой асуудалд УИХ-ын дарга Г.Занданшатар халдаж буй асуудалтай холбогдуулан мэдээлэл хийлээ.
Тэрбээр "Хууль тогтоох эрх мэдэл, олонхи цөөнхийнхөө үзэл бодлыг хүндэтгэж, хууль өргөн барих процессийг олонхийн гишүүн байна уу, цөөнхийн байна уу ялгахгүйгээр авч хэлэлцдэг хуультай. Миний бие УИХ-ын гишүүнийхээ хууль санаачлах бүрэн эрхийн бүрээнд өнөөдөр яригдаад буй "ЭТТ" ХХК-ийн иргэдээс худалдаж авсан 1072 хувьцааг иргэн бүрд буцаан эзэмшүүлэх тухай УИХ-ын тогтоолыг өргөн бөриад УИХ-аар хэлэлцүүлж чадахгүй байна. Энд ямар ашиг сонирхол яваад байгааг ойлгохгүй банйа. УИХ-ын даргад өнгөрсөн сарын 23-н өргөн мэдүүлээд одоо хүртэл УИХ хэлэлцүүлэхгүй байна. Үүнийг УИХ-ын дарга өөрийн эрх мэдлээ хэтрүүлж УИХ-ын гишүүний бүрэн эрхэд халдаж байна гэж үзэж байна.
Дээр нь "Иргэн бүр өмчтэй болох" бодлого энэ хүнд таалагдахгүй байна гэж ойлгож байна. Цөөнхийн төлөөлөл болсон УИХ-ын гишүүн хууль өргөн барихаар УИХ хэлэлцдэггүй юм байна. Би гуйж мөргөх ёстой юу?
Хоёрдугаарт, УИХ-ын удирдлагууд авилгалтай тэмцэнэ, төрийн албыг төрлийн алба болгосон завхралыг засна, эрх мэдэл бүхий хүмүүс ард түмний боломжийг хулгайлдаг явдлыг залруулна гэж сүүлийн нэг жилд олон хэлсэн. Гэтэл энэ нь зүгээр нэг лоозон, хоосон сурталчилгаа болж байна гэж ойлгож байна. "Нийтийн албанд нийтийн болон хувийн ашиг сонирхлыг зохицуулах, ашиг сонирхлын зөрчлөөс урьдчилан сэргийлэх тухай" хуулд нэмэлт өөрчлөлт оруулах тухай хуулийн төслийг хууль санаачлах бүрэн эрхийнхээ хүрээнд 90 хоногийн өмнө өргөн барьж, чуулганы гишүүдийн 80 хувь нь дэмжиж, энэ хуулийн хэлэлцүүлэхээр болсон. Гэтэл УИХ-ын даргын ширээн дээр 90 хонолоо.
Энэ нь төрөөс баталгаа гаргасан зээлийг улс төрд хамаарал бүхий этгээдүүд авахыг хязгаарласан хууль байгаа юм. Энэ хууль Хууль зүйн байнгын хороогоор дэмжигдсэн байтал УИХ-ын дарга нь Засгийн газрынхаа бодлогыг эсэргүүцэж байна, авилгалтай тэмцэхийг хүсэхгүй байна.
Өнөөдөр "Шүүр", "Шүгэл" гээд олон арга хэмжээ авч байгаа ч УИХ*ын бүтэц дотор энэ зүйл хэрэгжихгүй байна. "гэв.
