АТГ-аас өнгөрсөн сарын 26-нд “Эрдэнэс Таван толгой” компанийн гүйцэтгэх захирал Я.Батсуурийг баривчлан саатуулсан билээ. Тэр одоо цагдан хорих 461 дүгээр ангид саатуулагдаж байгаа. Сүүлийн өдрүүдэд батлан даалтанд гарах сураг сонсогдсон ч гаргасангүй. Прокуророос хорих хугацааг нь хоёр сараар сунгаж, эрүүгийн хуулийн 150.3, 263.2-т зааснаар яллагдагчаар татсан байна. УИХ-ын намрын чуулган завсарлахаас өмнө “Эрдэнэс Таван толгой”-д хийсэн шалгалтын дүн түүнийг ийнхүү баривчлахад хүргэв. Энэ хэрэгт Ерөнхий сайд асан Н.Алтанхуягийн хүргэн Г.Дэнзэнгийн эхнэрийн нэр дээр бүртгэлтэй “Говь повер” компанид ямар үндэслэлээр 5.4 тэрбум төгрөгийн нөхөн төлбөр олгов гэдэг асуудал яригдаж байгаа аж.
Б.Баяр
Эх сурвалж: Tumen.mn
