“Автобус 1” компанийн жолооч коронавирусийн халдвар авсан мэдээлэл 00.00 цагийн үед дэгдэв. Жолооч Д нь халдвар авсан бариач эмэгтэйн хавьтлын хавьтал байсан гэнэ. Өөрөөр хэлбэл, тэрээр өнгөрсөн 11 дүгээр сарын 25-ны өдөр халдвартай айлд зочилжээ. ХӨСҮТ тухайн айлын хүмүүсийг тусгаарлах үед жолооч Ц-г хавьтал болохыг тогтоож, энэ сарын 1-нээс тусгаарласан байна.
Жолооч 2 айлд зочилсныхоо дараа 3 өдөр шугаманд явжээ. Ойролцоогоор 1000 орчим хүнд үйлчилсэн гэсэн тооцоог албаныхан гаргаад байгаа аж. Харин одоо “Автобус 1” компанийн ажилтнуудад ХӨСҮТ-ийн шуурхай штабынхан ирж шинжилгээ авч эхэлсэн байна. Энэ асуудлаар НОК хуралдаж байгаа гэх мэдээлэл байна.
