Өршөөлийн тухай хуульд тавьсан Ерөнхийлөгчийн хоригийг хэлэлцэхэд “Шударга ёс” эвслийн авсан завсарлагын хугацаа өнөөдөр дуусч байна. АН, МАН-ын бүлэг хоригийг хүлээж авна гэдгээ аль хэдийнэ зарлачихсан. Тиймээс өнөөдрөөс хоригийг хүлээж авах эсэх, авлаа гэхэд дараа нь хэрхэхээ УИХ-ын чуулганаар хэлэлцэнэ. Гэхдээ хоригийг хүлээж авсны дараа яахыг биш, хоригийг үнэхээр хүлээж авах уу гэдэг айдас төрөөд байх юм. Учир нь тухайн өдрийн чуулганд оролцож байгаа нийт гишүүний гуравны хоёр нь дэмжсэнээр хоригийг хүлээж авах боломж бүрдэнэ. Өнгөрсөн ням гаригт хуралдсан хүндэтгэлийн чуулганд сууж байгаа гишүүний тоо тун цөөн харагдсан. Тойрогтоо ажиллаж байгаа, гадаад дотоод явсан зэрэг шалтгаанаар чуулганы ирц өндөр байх магадлал бага. Наанаа дэмжихээр ам гарсан ч, цаанаа өөрийг бодох гишүүн байгааг ч үгүйсгэх арга алга. Дээр нь УИХ-ын гишүүд бусдын өмнөөс кноп дардаг хэвээрээ. Иймэрхий илэрхий болон эс үйлдлээс хамаараад хориг дэмжигдэхгүй байх вий. Тиймээс иргэд минь, сонгосон гишүүдийнхээ гарыг нүд салгал- гүй ажаарай. Гишүүд ч амласнаа биелүүлж, ногоон кнопоо эндүү- рэлгүй дараарай даа.

М.Алтанцэцэг

Эх сурвалж: Unen.mn