Фэйсбүүкээр өөрсдийн зураг хөргөө дэлгэж, сонирхолтой хийгээд содон мэдээллүүдийн ертөнцөөр дуртайяа аялагч хэн бүхний дунд “No make up” гэх өвөрмөц “аян” өрнөөд байгаа. Ихэвчлэн олны танил охид эмэгтэйчүүд энэхүү “аян”-д хамрагдаж буй бөгөөд томоохон арга хэмжээ, шоу тоглолтоос бусад үед гоо сайхандаа хэрхэн анхаарал тавьдгаа харуулах гэж бие биенээсээ өрсдөг болсон.
Ийн ялгарахын тулд будаггүй царайгаа олонд харуулан, гоёж гоодсон хөөрхөн төрхтэйгээ харьцуулж суудаг албан бус ажилтай болоод байгаа нь нууц биш. Тиймдээ ч, олны танил сайхан бүсгүйчүүд маань эхнээсээ уг ажилд тун ч идэвхтэй хандан байгалиас заяасан зүс царайгаа бусдаас нуухаа хэдийнэ больжээ. Энэ жишгээр ардын дууч Д.Бурмаа нэгэнтээ өөрийн амарч буй үеийнхээ зургийг оруулан “No make up” хэмээн тодорхойлсон бөгөөд элдэв чанарын будаг шунх хэрэглэсэн үеийнхээсээ ер дутахааргүй үзэсгэлэнтэй харагдаж байгааг нь олон хүмүүс онцлон хэллээ.
Арьс арчилгааны тал дээр хэнээс ч дутахааргүй мэдлэгтэй, хөдөө хээр аялж явахдаа ч гоо сайхандаа тохирсон арга хэмжээг нь авчихдаг гэх дуучин бүсгүй маань ийн “онц” дүн авсан бололтой.
Б.Содон
