Амрагийн явдлаараа олонд танигдсан гэж гоочлуулсан жүжигчин Н.Мөнхсоёл өдгөө хувийн амьдралаа хойш тавиад, уран бүтээлдээ шамдаж байгаа. Сүүлийн үед үзэгчдийн хүртээл болж буй кинонуудын дийлэнхэд гол болон туслах дүр бүтээгээд байгаа түүнийг үзэгчид төдийгүй мэргэжлийн урлагийнхан ч чадварлаг жүжигчин хэмээн хүлээн зөвшөөрөх болсон.

Жүжигчин бүсгүйг саяхнаас гурав дахь хайртайгаа учирлаа хэмээн шуугиж эхэлсэн билээ. Далайн эрэг дээр сарнай цэцэгсийн дунд инээмсэглэн зогсох түүний зураг энэхүү дуулианы эхлэлийг тавьжээ.

Царайлаг, нуруулаг, чадварлаг жүжигчин бүсгүйд нүд унагадаг эрчүүд ч түүнийг дүн өвлөөр халуун оронд аялуулж, сарнайн дэлбээн дунд “жаргаасан” залууг эрж сураад эхэлсэн байна.

Тэгвэл жүжигчин бүсгүй хувийн амьдралдаа анхаарах завгүй байгаа хэвээрээ гэдгээ албан ёсоор мэдэгдлээ. Харин “хэргийн эзэн” болсон дээрх зураг нь тун удахгүй олонд хүрэх нэгэн клипний зураг авалт байсан аж.

Тэгэхээр Соёлоог шинэ амрагтай боллоо хэмээн хардаад байгаа хүмүүс илүү зангаа татах нь зүйтэй болов уу.

Эх сурвалж: www.mnews.mn