Монгол Улс элэгний өвчлөлөөр дэлхийд дээгүүрт бичигддэг.Элэгний өвчлөлийг хүндрүүлж, улмаар хавдар болгодог элэгний С вирусийг устгах "Харвони"  эмийг  манай улсад оруулж ирдэг болсон. Тус  эмийг эрүүл мэндийн дэд сайд асан Ж.Амарсанаа оруулж ирэх ажлыг санаачилж гүйцэтгэсэн хүн юм.Гэтэл сайны хажуугаар саар гэгчээр  сонгууль дөхсөнтэй холбоотойгоор түүний энэ үйл ажиллагааг бизнестэй холбож  гүтгэсэн байна. Монгол хүний эрүүл мэнд сайн сайхны төлөө хийж бүтээж байгаа энэ хүнийг дэмжиж урамшуулахын оронд гүтгэж гүжирдэж байгаа нь ичгэвтэр хэрэг.

Тэрээр цахим хуудсандаа ингэж нийтэлжээ. 

НЯЦААЛТ
Сонгуультай холбоотойгоор миний нэр хүндэд халдах увайгүй оролдлогууд явж л байна. Бодвол энэ ард түмэнд хэрэгтэй ганц хоёр ажил хийчихсэн юм байлгүй дээ. Та нар хүсээд байгаа үр дүндээ хүрэхгүй ээ. Сонгууль болохоор л хүнийг хуульгүй ГҮТГЭЖ болдог гэж бодож байгаа бол том эндүүрэл. Эхнийх нь надаар оролдож байгаад 3 шатны ШҮҮХЭЭР надад ялагдчаад сууж байна. Би амнаасаа гарч байгаа ХИЙ болгоноо сайтар бодож тунгааж гаргадаг юм шүү! Үйлдэл бүрээ баримтжуулдаг юм. С вирусын эмийг МОНГОЛ улсад оруулах ажлыг би Засгийн Газрын дүрэм журмын дагуу гүйцэтгэсэн. Азаар энэ албан бичгийн хуулбар нь Гадаад Харилцааны Яам дээр үлдсэн байна. Би 100 хувь өөрөө САНААЧИЛЖ энэ ажлыг хийсэн юм. Зөвхөн монгол хүний эрх ашгийн ТӨЛӨӨ хийгдсэн ажил. АМАЛЖ БАЙНА. Монголын ард түмэн тэнэг бишээ. Хар цагаан, ҮНЭН худлыг ялгадаг болсон. Харин надад хэн нэгэнтэй гавьяа булаацалдаад байх шаардлага надад байхгүй. Өвчтөн маань үхлийн өвчнөөс салж л байвал надад ТОМ ШАГНАЛ. Харин энэ алга дарам ЦААС намайг хамгаалаад зогсохгүй монголын эрүүл мэндийн салбарт ГАЙХАМШИГ авчрах заяатай байжээ. Яг үнэнийг хэлэхэд тухайн үед том улстөрчдөөс ЭЛБЭГДОРЖ Ерөнхийлөгчөөс бусад нь олигтой дэмжээгүй гэдгийг харин онцлоод хэлчихье. Юу үнэн тэр үнэн!

Эх сурвалж: Tumen.mn