Нийслэлийн татварын газрын Тээврийн татварын хэлтсийн Ш гэгч этгээд дотно харилцаатай залуухан бүсгүйгээ зодож, хутгаар зүсэн биед нь хүнд, хөнгөн 20 гаруй гэмтэл учруулсан гэх мэдээлэл цацагдаад байгаа билээ. Эх сурвалжийн өгсөн мэдээллээр хохирогч эмэгтэй нь Ш-ийн эхнэртэйг нь мэдээгүй байсан бөгөөд мэдсэний сүүлд ийнхүү маргаан гарч, бүсгүйн гэрийн тагтаар дамжин орж хэргийг үйлдсэн гэнэ.
Бид хохирогч бүсгүйтэй утсаар холбогдон тодруулахад “Хамгийн аймшигтай нь Ш “Харилцан зодоон болсон” гэх мэдээлэл тарааж, цагдаад ч ийм мэдүүлэг өгч байна. Харилцан зодолдох ямар ч нөхцөл, боломж байхгүй. Хэргийг үнэн мөнөөр шийдэхэд иймэрхүү худал мэдээлэл болон түүний мэдүүлэг нь нөлөөлөх вий гэхээс эмээж байна. Одоогоор сэтгэлзүйн маш их дарамттай байгаа тул тодорхой мэдээлэл өгөх боломж алга” гэлээ.
Эх сурвалж www.wikimon.mn
