Цахим орчинд фитнесийн хичээл заадаг, загвар өмсөгч С.Эрдэнэцогтыг ЦЕГ-ын Хар тамхитай тэмцэх газрын ажилтнууд мансууруулах бодис хууль бусаар олж авсан гэх үндэслэлээр шалгаж эхэлсэн талаарх мэдээлэл өчигдөр цахим орчинд гарсан. Энэ талаар ЦЕГ-ын Хэвлэл мэдээллийн төвийн дарга Б.Баатархүү “Иргэн С.Эрдэнэцогттой холбоотой хэргийг шалгаж байгаа. Дэлгэрэнгүй мэдээлэл өгөх боломжгүй” хэмээн хэвлэлд тайлбар өгчээ.
Харин хэрэгт холбогдсон гэх загвар өмсөгч С.Эрдэнэцогт энэ талаараа “Энэ бол худал мэдээлэл. Энэ мэдээг бичсэн сайттай холбогдоход “сэтгүүлчийн алдаа уучлаарай” гэсэн. Удахгүй “Urban talk” нэвтрүүлгийн ээлжит дугаар гарна. Энэ үеэрээ цагдаад шалгагдсан болон бусад асуудалтай холбоотой мэдээллийг дэлгэрэнгүй ярина” гэжээ.
