Том размерууд хувцас загварын ертөнцөд гадуурхагддаг байсан цаг өнгөрч XI зуунд том биетэй эмэгтэйчүүдэд зориулсан тусгай дэлгүүрүүд аль хэзээний орон зайгаа эзэлжээ. Иймд та өөрийнхөө мярайлаг биед сэтгэл дундуур байдаг бол доорх хэдэн зөвлөгөөг уншаад сонголтоо хийвэл илүү үр дүнтэй байх болно шүү.  

1. Босоо шугам: Өөрийн хувцас болон бусад чимэглэлүүдийг сонгохдоо босоо хээтэй эсвэл зураастайг илүүд үзэхээ мартуузай. Энэ нь таны биеийн пропорцыг баланслаж илүү туранхай харагдуулах болно. Босоо зураастай эсвэл босоо зууван хээтэй хувцас, урт эсвэл босоо хэлбэртэй хүзүүний зүүлт, мөн босоо гурвалжин захтай цамц, даашинзуудыг санал болгож байна.

2. Таарсан хувцасаа өмсөх: Хэзээ ч битгий багадсан эсвэл томдсон хувцас сонгоорой. Та өөрийхөө илүүдэл жингээ нуух гээд томдсон сул хувцас өмсөнө гэж бодож байгаа бол эндүүрч байна. Ингэснээр та өөрийгөө байгаагаасаа илүү аварга харагдуулж, таны нуухыг хүссэн хэсгүүд тань харин эсрэгээрээ олны анхаарлыг татах болно. Харин үүний оронд яг өөртөө таарсан (хэрвээ стандарт размерууд яг таарахгүй бол тусгайлан захиалж оёулж өмс), болж өгвөл бариу загвартай хувцас өмсөөрэй.

3. Зөв хөхний даруулга сонгох: Таны хөх тохойноос доош унжаагүй, мөн шуу руу чинь илүү гараагүй яг төвд цэвэрхэн суусан байх ёстой. Хөх болон таазны хоорондох хэмжээ урт байх тусмаа таныг бэлхүүсийг тодотгож, илүү нарийхан харагдуулна. Яг энэ хэсэгтээ гэдэсний даруулгыг байнга хэвшиж сурах хэрэгтэй. Ингэснээр та илүү гоолиг харагдах болно. Мэдээж эхэн үедээ таны чөлөөт хөдөлгөөнийг боож, тийм ч таатай биш байх нь ойлгомжтой. Гэхдээ гэдэсний даруулга нь гэдэсний булчинг чангалахаас эхлээд нуруу болон дотоод эрхтнүүдийн үйл ажиллагаанд ч сайнаар нөлөөлөх талтай тул та заавал хэрэглэж хэвшээрэй.

4. Шулуун өмд: Та өөрийн биеийн пропорцыг тэнцвэржүүлэхийн тулд  ялангуяа илүү шулуун шугамуудыг нэмж, туранхай харагдахын тулд шулуун өмдийг сонгоорой. Сунадаг материалтай жинс, ч гэсэн зохимжтой. Энэ нь таны биед илүү чөлөөтэй, таатай мэдрэмжийг төрүүлнэ. Өнгөний хувьд завсарын өнгийг сонгоорой. Жишээ нь: бор, саарал, хар, хар ногоон эсвэл хар хөх гэх мэт. Хээтэй болон хэт тод өнгөнөөс зайлсхий.

5. Чимэглэлийг тохируулж хэрэглэ: Бусад өмсгөлүүдээ сонгохдоо бодолтой байгаарай. Болж өгвөл бага зэргийн өсгийтэй гутал сонгоорой. Хэрвээ та элсэн цаг шиг галбиртай бол бүс зүүж тайлаа тодотгож, давуу талаа гаргаж болно. Бусад тохиолдолд бүснээс зайлсхий. Том кулонтай урт хүзүүний зүүлт болон урт хүзүүний чамин алчуурыг сулхан ороох нь таны цээжийг илүү жижиг харагдуулах бөгөөд xэт жижиг хүзүүгээ барьсан зүүлт алчуурыг битгий сонгоорой.

6. Богино хувцсыг сонгох: Хэтэрхий урт цамц, куртик эсвэл даашинз таныг илүү нүсэр харагдуулах тул хэрвээ цамц бол таашаагаа хүрсэн, даашинз бол өвдөгнөөс дээгүүр байхаар бодолцоорой. Ил гарсан хөл тань таньд хэрэгтэй босоо шугамыг нэмж, таныг илүү өндөр туранхай харагдуулах болно.

7. Хээ болон тод өнгийг тохируулан хэрэглэ: Хэзээ ч битгий нэг өнгөөр дагнасан хувцас өмсөөрэй (Энэ дүрэм зөвхөн завсарын өнгөтэй зөв хээ болон загвартай даашинзанд хамаарахгүй). Том хээг өндөр биетэй эмэгтэйчүүд, харин жижиг хээг илүү намхавтар эмэгтэйчүүд сонгоорой. Хэрвээ та юбка, цамц, гадуур нь өмсөж буй даавуун ноосон цамц эсвэл хүрэм өмсөж байгаа бол энэ бүгдээс зөвхөн нэг нь л хээтэй байж болно.

Эх сурвалж: Photonews.mn