Татан буугдсан ССАЖЯ-ны байрыг засч тохижуулан хүүхдийн эмнэлэг болгохоор Шийдлийн Засгийн газраас шийдвэрлэжээ. Энэ талаар Ерөнхий сайд Ч.Сайханбилэг Эрүүл мэнд, спортын сайд Г.Шийлэгдамбад үүрэг чиглэл өгсөн байна. Татан буугдсан яамны байрыг 120-150 хүүхдийн ортой эмнэлэг болгож өөрчлөх боломжтой гэсэн тооцоо гарчээ. Ганц энэ байр ч гэлтгүй, бусад төр засгийн ашиглалтгүй байгаа байруудыг судалж үзээд ийм зориулалтаар өөрчлөхөөр ярилцаж байгаа аж. Эхний ээлжинд тэрхүү хуучин яамны байрыг 2015 оны 2 дугаар сарын 1-ний өдөр гэхэд хүүхдийн эмнэлэг болгох юм байна. Тус эмнэлэгт шинээр тоног төхөөрөмж авч тавих бөгөөд Автри улсын хөнгөлттэй зээлийн 40 сая еврогоос санхүүжилт хийж бололтой. Энэхүү 40 сая еврогийн төслүүд нь мөн Хавдар судлалын үндэсний төв, Эх нялхасын эрүүл мэндийн төв, нэгдүгээр эмнэлэг зэрэг хэд хэдэн газарт чиглэгджээ.
Б.Баяр
Tumen.mn
