Өнгөрсөн баасан гарагт Засгийн газрын ээлжит бус хуралдаан болж анхаарал татах нэгэн томилгоог хийсэн. Энэ нь ШӨХТГ-ын дарга Т.Гантулгыг өөрийнх нь хүсэлтээр уг албан тушаалаас чөлөөлж оронд нь МАН-ын гишүүн С.Мөнхчулууныг томилсон.

Анхаарал татах гэж онцолсон нь одоогийн БОАЖ-ын сайд Б.Бат-Эрдэнэ өмнө нь тус газрыг удирдаж байхдаа зөв голдиролд нь оруулж олон нийтэд нээлттэй болгож чадсан.

Харин энэ удаад намаасаа хөөгдөж, туугдаж явсан С.Мөнхчулуун дарга нартаа ихэд тал зассаны хүчинд ШӨХТГ гэх том байгууллагыг удирдахаар болсон нь том эмгэнэл.

Учир нь олон нийтийн сошиал сүлжээнд шударгын дүр гаргаж олны тархийг угаахдаа гаргууд, мэргэшсэн, бараг мэргэжилтэн болчихсон тэр 2019 оны нэгдүгээр сард хотын даргад нэр дэвшиж байхдаа өөрийг нь бүх талаар нь дэмжиж байсан нөхдөө золигт гаргаж байв. Түүгээр ч зогсогүй одоогийн Шадар сайд С.Амарсайхан, МАН-ын генсек Д.Амарбаясгалан нарын эсрэг хор найруулж тэднийг хэвлэл мэдээллийн хэрэгслээр муухай харагдуулах ажлыг зохион байгуулж, эрх мэдлийн оройд гарахаар зүтгэж явсан увайгүй нэгэн гэдгийг түүний ойр тойрных нь хүмүүс бүгд мэднэ.

Товчхондоо бол өөрийнх нь төлөө бүхнээ зориулж явсан нөхдөө гудамжинд гаргаж, хар амиа хоохойлсон С.Мөнхчулуун мэтийн нөхөд хаана албан тушаал эрх мэдэл байна тэнд очиж сайн хор найруулж, эцэст нь албан тушаалд очиж болдог гэдгийг бодитоор нь харуулж байна.

Энэхүү томилгооноос харахад МАН боловсон хүчний хомсдолд орж мдлэг чадвартай оюунлаг залуусаа хойш нь түлхэж, энэ мэт хорчин нөхдийг албан тушаалд томилсоор байгаа нь ард олны итгэлийг хөсөрдүүлж буй хэрэг.

Эцэст нь өгүүлэхэд албан тушаалын төлөө амиа өгөхөөс ч буцахгүй болсон С.Мөнхчулуун ШӨХТГ гэх том байгууллагыг шантаажны газар болгон хувиргах нь гэж харагсад, хардагсад ч олон байгаа. Иймд түүнийг хэрхэхийг харах л үлдлээ.

ErenNews.mn
Р.Саруул