Ер нь  улстөр, төрийн ажил гэж юу юм бэ? Түмнийхээ төлөө л зүтгэх гэж, түмэн олноос л итгэл хүлээж байж хийдэг ажил болохоос биш эрх мэдэлд дурлагсдын орогнодог орон зай биш гэдгийг хэн хүнгүй хүлээн ойлгож байгаа билээ. Тиймээс ч жинхэнэ эгэл олныхоо төлөө зүрх сэтгэлээ зориулж, үйл хэргээ чиглүүлж ажиллах чадах тийм л хүмүүсийг сонгогчид сонгох цаг хэдийнэ болсоон. Тэгвэл яах аргагүй олны төлөө ажиллаж чадах хүн гэдгээ нэгэнтээ батлан харуулаад байгаа Чулуун дүүгүүртэн овгийн Хишигбаярын Оюун-Эрдэнийг МАН-аас Орхон аймгийн ИТХ-ын сонгуулийн 10 дугаар тойрог, “Их залуу” багт нэр дэвшүүлсэн нь үнэхээр нүдээ олсон хэрэг болохыг сонгогч олон хэлж ярьж байгаа юм.

Ер нь бол түүнийг содон нэр дэвшигч гэхэд болно. Учир нь тэрбээр бусад шиг дипломын цуглуулгад анхаарал хандуулж, иргэдийн амьдралаас хол хөндий зүйл ярьж явдаг нэгэн биш. Тэр бол жинхэнэ ардын дундаас төрсөн хүн юм.Түүний ажил хөдөлмөрийн гараа хийгээд замнал хэн болохыг нь шулуухан хэлээд өгнө. Гудамжинд гутал тослохоос эхэлж байсан тэрбээр өдгөө “Суу Ариг” компанийн захирал, ажил олгогч нэгэн болжээ. Амьдралынхаа туршид хүний л төлөө гэсэн сэтгэлээрээ жигүүр хийж төдийгөөс өдийг хүрсэн түүний амьдралд бор дарсанд орж явсан үе ч бий. Гэхдээ тэрбээр тэр цаг хугацаандаа ч хүний төлөө гэсэн чанараа гээгээгүй гэдгээ бардам хэлж чаддаг юм билээ.

Тэрбээр “ Эхлэл жижиг байж болно. Бага багаар алхам алхамаар хөгждөг нь амьлралын жам. Эхлээд 3 хүн, дараа нь 10 хүн удирдаад сурчих Ингээд л хөгжинө шүү дээ. Эр хүн шиг эр хүн гэж бусдыг хайрладаг тэдэнд өөрийгөө зориулдаг хүнийг хэлнэ. Өөрийгөө бөөцийлж, энэрсэн хүмүүс хүний төлөө амьдрана гэвэл түүн шиг худлаа юм үгүй. Түмэн олны төлөө гүүр болоход мэдлэг боловсрол хэрэгтэй хэдий ч сэтгэлийн дуудлага хамгийн чухал.” хэмээн хэлж байсан юм.  Нээрээ ч тийм шүү дээ. Сэтгэлийн дуудлага хамгаас чухал!

Иргэдийн хурал гэдэг нэрний жинхэнэ утга учир амин сүнс нь эгэл жирийн ажлыг нойлоос нь эхлээд өөрийгөө ялж бусдын төлөө явсаар ирсэн ийм л төлөөллөө сонгох цаг болсон гэдгийг ч энэ дашрамд хэлмээр байна. Баян хүн, хөөрхөн хүн,  бөх хүн, дуучин хүн гэхээсээ хар бор амьдрал үзсэн, ёстой л амьдралын дунд нь явж, цөмийг нь мэдэрсэн ийм л хүнээр төрийн ажил алба дутаж ирснийг хэлэх юун.

Тэрчлэн Хишигбаярын Оюун-Эрдэнийг Эрдэнэтийнхэн “Наалдан пад” гутлын салоны эзэн гэдгээр нь  андахгүй юм билээ. Тэр бол эгэл жирийн гуталчин хүн түмнийхээ төлөө дүрэлзэх сэтгэлээ ажил, хөдөлмөрөөрөө илэрхийлж, өөрийн үйл хэргээрээ харуулах гэж хичээж зүтгэж яваагийн бодит жишээ гэдгийг сонгогч олон харж буй биз ээ. Тэр нэгэнтээ “Хүн бүрийн зам мөр тэгш байгаасай гэж гуталчин гэдэг мэргэжлийг эзэмшсэн энэ мэргэжлээрээ олон жил ажиллахдаа хүний хувцастай нь биш сэтгэлтэй нь харьцаж байлаа. Хүн байх, Хангалуун амьдрах, Тайван суух нь хөдөлмөр чин сэтгэл зөв харилцаатай холбоотой гэдгийг ямагт бодож бусдад туслах хайрлаж энэрэхийг урьтал болгож байв. Тийм ч учраас энэ удаагийн сонгуульд та бүхнийгээ төлөөлөхөөр дахин нэр дэвшиж байна. Хамтдаа сайхан, хангалуун, тайван амьдралын төлөө хичээцгээе. Их залуу багийн иргэд та бүхэн дэмжинэ гэдэгт итгэж байна.” хэмээсэн юм.

Одоо цагт хүний төлөө гэсэн жинхэнэ сэтгэл ховордсон цагт, ийм л хүний төлөө гэсэн сэтгэлтэй, зүтгэлтэй хүнээ сонгох нь сонгогч түмний хувьд хамгийн зөв сонголт гэдгийг хэлье дээ.

ИХ ЗАЛУУ багийнхан

ИЛ ЗАЛУУГАА сонгох цаг болжээ…

Эх сурвалж: МАН-аас Орхон аймгийн ИТХ-ын сонгуулийн 10 дугаар тойрог, “Их залуу” багт нэр дэвшигч Хишигбаярын Оюун-Эрдэнийн сонгуулийн штаб