Нийслэлийн боловсролын газрын дарга Ц.Отгонбагана дарга аа, Сvхбаатар дvvргийн 68 дугаар цэцэрлэгийн эрхлэгч Оюунцэцэг ажилтнаа дарамталж, ажлаас нь халаад зогсохгvй тvvнээс авлига авсан байх юм. Ийн хэлэхийн учир нь хатагтай Оюунцэцэг дєнгєж хєдєєнєєс орж ирээд удаагvй байсан єрх толгойлсон Гантуяа гэх эмэгтэйг ажилд авсан хэмээн тvvнээс 200 000 мянган тєгрєгийн хахууль авч мєн нэг хонь авч ажилд оруулжээ. Ажилтай болсондоо баярласан Гантуяа эрхлэгчийнхээ хэлсний дагуу тvvний хэлснийг нь єгч vйлчлэгч гэх орон тоон дээр ажилд орсон ч тєд удалгvй ажлаасаа халагдсан байна. Энэ талаар тvvнд туслахыг хvссэн эх сурвалж мэдээлэхдээ “ Гантуяа нэг хvvхэдтэй єрх толгойлсон эмэгтэй. 

Тэрбээр хєдєє єссєн учраас бичиг vсэг мэдэхгvй нэгэн. Тvvний энэхvv байдлыг нь далимдуулан тус цэцэрлэгийн эрхлэгч Оюунцэцэг ажилдаа аваад удаагvй мєртлєє хєєрхий ядарсан бvсгvйгээр даажигналаа. Тухайлбал, Гантуяа тус цэцэрлэгт ажилд орохдоо анх 400 000 мянган тєгрєгийн цалинтай vйлчлэгчийн ажилд орсон.Ингээд эрхлэгч Оюунцэцэгийн хэлсний дагуу тvvнд 200.000 мянган тєгрєгийг бэлнээр єгч нэг хонь єгсєн байдаг юм. Гэтэл ажилд ороод удаагvй байгаа Гантуяаг єнгєрсєн баасан гарагт єрєєндєє дуудаж “чамайг ажлаас халлаа” хэмээн хавтастай материалыг нь нvvр рvv нь шидэж “дахиж битгий ирээрэй чи” хэмээн загнасан байна лээ. Ингээд юунаас болж халагдаж байгаагаа ч ойлгохгvй байгаа Гантуяа ажлаас халагдсан тушаалаа авая гэхэд уур омог ихтэй эрхлэгч нь “мєрєєрєє зайл” гэх хоёрхон vгийг хэлээд хєєрхий ядарсан бvсгvйг єрєєнєєс хєєж гаргасан байгаа юм. Хамгийн гол нь энэ хугацаанд Гантуяа ямар ч хєдєлмєрийн гэрээ байгуулаагvй байсан байна. Бичиг vсэг мэдэхгvйг нь далимдуулж Оюунцэцэг тvvнтэй хєдєлмєрийн гэрээ байгуулаагvйт байсан хэрэг гэж бид ойлгож байгаа. 

Ямартай ч энэ ядарсан бvсгvйд туслах зорилгоор бид ємгєєлєгч хєлслєн авч Оюунцэцэг эрхлэгчийг хуулийн байгууллагад шалгуулахаар болсон. Хамгийн гол нь Гантуяа ажиллах хугацаандаа нэг ч удаа ажлаа таслаагvй хамаг л хар бор ажлыг чадлаараа хийж байсан. Тухайлбал, тэрбээр жорлон цэвэрлэнэ, туслах багш, жижvvр, тогооч нарт туслана гээд хийж болох бvхий л ажлыг хийж далласан газар нь ил гарч далайсан vед нь далд орж ажилладаг байсан” гэв. 

Ямартай ч сайхан сэтгэлтэй хvмvvсийн буянаар Гантуяа бvсгvй шvvхийн танхимд Оюунцэцэг эрхлэгчтэй уулзахаар болсон байна. Энэ мэтээр ядарсан хvмvvсийн амьдралаар тоглодог увайгvй дарга цэргvvд захаасаа олон байгаа гэдгийг манай уншигчид андахгvй мэднэ. Юутай ч Оюунцэцэг эрхлэгчийн увайгvй vйлдэл Гантуяагаар дуусахгvй гэдгийг бас нэгэн эх сурвалж мэдээлж байсан юм. Тухайлбал, тэрбээр цэцэрлэгт оруулах хvvхэд байвал 450 000 мянган тєгрєгєєр оруулна гээд хоёр хvvхдийн эцэг эхээс дээрх мєнгийг аваад оруулсан гэнэ. Тvvнчлэн Оюунцэцэг эрхлэгч ажил дээрээ архи уудаг нэгэн гэдгийг тус цэцэрлэгийн багш нар мэддэг ч ажлаасаа халагдана хэмээн энэ тухай мэдээллийг гадагш гаргадаггvй байсан аж. Мєн тvvнийг эцэг эхчvvдээс хахууль авдаг гэдгийг ч эх сурвалж хэлж байсан юм. Эцэг эхчvvд хvvхдээ цэцэрлэгт єгєхийн тулд хахууль єгдєг, хvvхдээ цэцэрлэгт єгсєн хойноо багш, эрхлэгчийнх нь нэхсэн мєнгийг єгєхєєс єєр аргагvй болдог. Хэдийгээр vvний эсрэг тэмцэхийг хvсдэг ч эргээд хvvхдээ цэцэрлэгт єгєх боломжгvй болчихно гэсэн айдастайгаар эцэг эхчvvд хэлээ хазаад чимээгvй єнгєрдєг нь нууц биш. Тэгвэл энэ байдал єнєєдєр 68 дугаар цэцэрлэгт даамжирч байгаа бололтой. Уг нь цэцэрлэгийн эрхлэгч нарыг эцэг эхчvvдээс хахууль авахыг хуулиар хориглосон байдаг. Гэтэл хуулийг завхаруулж буй 68 дугаар цэцэрлэгийн эрхлэгч Оюунцэцэгийн энэхvv vйлдэл улайм цагаандаа гарч бусдыг ажтлд оруулсан хэмээн мєнгє аваад зогсохгvй амьд хонь хvртэл хахуульд авч байгаа нь хуульд нийцэхгvй баймаар юм. 
Тиймээс энэхvv vйл явдлыг Нийслэлийн боловсролын газрын дарга Ц.Отгонбагана. Боловсролын сайд Гантємєр нар анхаарлдаа авч тус газарт хяналт шалгалт хийж болж буй vйл явдлын vнэн учрыг олох хэрэгтэй байх. Эс бєгєєс даварсан эрхлэгч Оюунцэцэг энэ мэтээр хєдєєнєєс орж ирсэн ядарсан иргэдээр даажигнаж тэднээс мєнгє аваад зогсохгvй сvvлдээ азарга адуу ч бэлгэнд єг гэж хэлэхээс сийхгvй бололтой. 
Эх сурвалж: