Тус яамны ажилтнууд энэ оны 3-р сараас эхлэн гэнэтхэн олноороо хүндээр өвдөж, эмчилгээ сувилгаа хийлгэж эхэлжээ. Яамны ТНБД-ын тушаалаар хүндээр өвчилсөн ажилтан бүрд 300-500 мянган төгрөгийн буцалтгүй тусламж олгосон байна. Энэ тусламжийг 3-р сард нэг ажилтан авсан бол 4-р сард зургаа, харин 5-р сард дөрвөн хүн авчээ. Нэг яамны ажилтнууд бөөнөөрөө хүндээр өвдөж байгаа нь харамсалтайн дээр хачирхалтай байна. Хэрвээ тэд нийтийг хамраад байгаа коронавирусны халдвар авсан бол энэ нь тус яаманд халдвраас урьдчилан сэргийлэх, хамгаалах ажил тааруу явагдсаны нотолгоо гэхэд болно. Өнгөрсөн оноос эхлэн яам тамгын газрынхан ажилтнуудаа халдвраас хамгаалах, дархлааг дэмжих зорилгоор амны хаалт тараах, бээлийгээр хангах, аминдэм өгөх зэрэг ажиллагааг явуулсан. Зохион байгуулалттайгаар биеийн халууныг хэмжиж, үзлэг оношилгоонд хамруулж дээрхи ажилд төсвийн ихээхэн хөрөнгийг зарцуулсан. Харин хавраас эхлэн ЗТХЯ-ны ажилтнуудад хүндээр өвдсөн, эмчилгээ сувилгаа хийгдсан тохиолдол сард 4-5 удаа гарч, хүн бүрд 500 мянган төгрөгийн туслалцаа үзүүлсэн тухай шилэн дансны мэдээлэлд нь оржээ.