УИХ-аар Архидан согтуурахтай тэмцэх тухай хуульд нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийлээ. Уг хуулийн төсөлд “Хүнсний зориулалтын түүхий эдээр хийсэн бүх төрлийн архи, согтууруулах ундаанд хамаарна” гэж тусгажээ.
Архидан согтуурахтай тэмцэх тухай хуульд нэмэлт, өөрчлөлт оруулах тухай хуулийн төслийн нэгдүгээр зүйлийн 6.5-д Аймаг, нийслэлийн Засаг дарга, чөлөөт бүсийн захирагч нь харьяалах нутаг дэвсгэртээ согтууруулах ундаа худалдах, түүгээр үйлчилгээ эрхлэх тусгай зөвшөөрөлтэй худалдаа, үйлчилгээний газрын үйл ажиллагаа явуулах цагийн хязгаарыг тогтооно гэсэн заалтыг гишүүдийн олонх дэмжих боломжгүй гэж байнгын хорооноос үзсэн. Санал хураалтын явцад дэмжигдсэн саналуудыг нэгтгэн томьёолж чуулганы нэгдсэн хуралдаанаар хэлэлцүүлэх нь зүйтэй гэж үзсэний дагуу чуулганы хуралдаанаар хэлэлцэж, олонхи нь төслийг баталлаа.
