“Эх бүрдийн домог″, “Суварган цэнхэр уулс”, “Гэрлэж амжаагүй явна”, “Жинжиймаа” зэрэг киног нэрлэхээр хэний тухай ярих гэж байгааг минь та гадарлах биз ээ. Дэлгэцийн урлагт өөрийн орон зайг цогцлоож уран бүтээлчдэд хүндлэгдсэн эмэгтэй бол яах аргагүй Монгол Улсын Гавьяат жүжигчин Н.Батцэцэг. Тэрээр өөрийн цахим ертөнцийг идэвхитэй хөтөлж явуулдаг бөгөөд саяхан “Univision-ийн удирдлагуудад бухимдаж буйгаа фэйсбүүк хуудсаараа илэрхийлжээ.
Тэрээр “Юнивижн ХХК-ний (UNIVISION) удирдлагад хүртэл нь шэйрлэе .
Зиа, би танайд сарын өмнө хүүгийнхээ хийсэн “Tides of time” киног М…. гэдэг менежерт өгөөд бүх зүйлээ тохирсон юмаа. Өнөөдөр хүүгээ асуухаар нь ороод хартал кино санд ороогүй байна. Тэгээд залгаад асуутал менежер маань : – ” Би тан руу залгахаа мартчиж та үнээ буулга” гэлээ. Энэ албан ажил мөн үү? Миний хувьд бүтэн сар маш их хугацаа… Гэтэл зэрэг гэрээ хийсэн “Ckymedia”-гийх тэр дор нь паспорт өгөөд үзэгчдийн тоог хянах боломж олгосон. Менежерүүд нь ч чирэгдэлгүй товч тодорхой харьцсан. Танайх ингэж ажиллавал олон харьцагч баярлах нь мэдээж. Бас танайд үзэгчдийн тоогоо хянах боломжгүй юм билээ. Энэ нь маш их эргэлзээ дагуулдаг шүү.Цаашдаа бусдын цаг хугацааг хүндэтгэн ажил үйлчилгээндээ анхаарахыг хүсье” хэмээсэн байна.
Эх сурвалж: Шуурхай.мн
