Эрүүл мэндийн 150 ажилтан хамтран НҮБ-ын эрүүл мэндийн агентлагт захидал илгээсэн байна. Энэхүү захидалд “Рио-2016” Олимпийн наадмыг “Олон нийтийн эрүүл мэндийн нэр”-ээр хойшлуулах юмуу эсвэл Олимп болох газрыг өөрчлөхийг шаардсан байна.
Эрүүл мэндийн ажилтнууд энэхүү захидалдаа зика вирус ургийн гажигтай хүүхэд төрөх шалтгаан болдог тухай ШУ-ы олон судалгааг эшлэсэн байна.Мөн тэд зика вирусыг тараагч шумуулуудыг устгалгүйгээр вирусын тархалтыг хэрхэн багасгах тухай бичсэн байна. Гэсэн ч ДЭМБ энэ захидлын хариуд, “Одоогийн үнэлгээн дээр үндэслээд 2016 оны Олимпийг хойшлуулах, эсвэл байршлыг өөрчлөх нь ОУ даяар тархсан зика вирусын тархалтад нэг их өөрчлөлт оруулахгүй.
Мөн Зика вирус нь маш олон оронд тархсан, зикагийн халдвар тархсан улс орноос ирсэн болон тэр улсууд руу аялагчдын цуваа тасрахгүй байгаа гэдгийг хэлсэн байна. Харин нөхцөл байдлыг хянаж, шаардлагатай бол зөвлөгөөг шинэчилж засварлана гэдгийг ДЭМБ хэлсэн байна.
Э.Лхагва
