АНУ-ын сенатор Хятадаас оруулж ирж буй сонгиныг үндэсний аюулгүй байдлын эрсдэл хэмээж, шалгахыг уриалсан байна. Бүгд найрамдах намаас Конгресст дэвшсэн Рик Скотт АНУ-ын Худалдааны нарийн бичгийн даргад хандан Хятад саримсыг эрүүл ахуйн шаардлага хангаагүй аргаар үйлдвэрлэдэг тул аюултай гэж захидал бичжээ.

БНХАУ нь дэлхийн хамгийн том саримсны экспортлогч, АНУ бол гол импортлогч нь юм. Хоёр орны саримсны худалдаа маргаан дагуулсаар ирсэн байна. АНУ БНХАУ-ыг үйлдвэрлэх зардлаас бага үнэтэйгээр саримс худалдаалдаг гэж буруутгаж байсан аж.

Рик Скотт

Зарим компаниуд үйлдвэрийн зардлаас бага үнэтэй бүтээгдэхүүн зарах аргыг өрсөлдөгчдийг зайлуулах, зах зээлд эзлэх хувиа нэмэгдүүлэх, монопол тогтоохын тулд ашигладаг байна. Ийм учраас 1990 оны дунд үеэс АНУ дотоодын үйлдвэрлэгчдээ зах зээлээс шахагдахаас сэргийлж Хятад бараануудад өндөр татвар ноогдуулж эхэлсэн юм.

Сенатор Скотт бичсэн захидалдаа интернэт дээрх бичлэг, хоолны блог, баримтат кинонууд дээр бичигдэн үлдсэн саримсыг бохир орчинд тарьж ургуулж байгаа баримтнууд бий гэжээ. Түүний бичсэнээр бохирын усанд саримс тариалсан тохиолдол байсан аж.

Эх сурвалж: BBC