Монголын хошин урлагийн чансаатай хамтлагуудын нэг “Х-ТҮЦ” продакшны авьяаслаг жүжигчин Аглуу 2011 онд төр түмэндээ үнэлэгдэж Монгол улсын гавъяат жүжигчин цол тэмдэгээр шагнагдсан билээ. Мэргэжил нэгтнүүд нь хүртэл түүнийг төрмөл авьяастай гэдгийг нь хүлээн зөвшөөрдөг. Олон жилийн өмнө МУГЖ Б.Батзаяа “хошин урлагийн хаан”-аар өргөмжлөгдөж байсан бөгөөд Монголын хошин урлагийн угсаа залгамжлах ханхүүгээр МУГЖ Б.Баттулгыг тодруулж байсан цаг саяхан. Хүн бүхэнд инээд бэлэглэдэг, хамгийн буянтай ажлыг зөвхөн жүжигчид хийдэг гэхтэй маргах хүн байхгүй биз ээ. Инээдмийн баярын энэ өдөр Аглууг онцолж байна. Урлагт 20 жил зүтгэсэн гавъяатын маань уран бүтээл өдрөөс өдөрт улам чанаржиж Х-Түц продакшн ч шилдэгийн шилдэг гэдгээ баталсаар. Тус продакшний залгамж халаа болон "Эмоци" "Мөрөөдлийн театр" гэх чадварлаг залуус өдгөө уран бүтээлээ туурвисаар байна. Хошин урлаг хэмээх их айлын өнгийг тодорхойлж буй олон сайхан жүжигчиддээ баярын гал халуун мэндийг хүргэе.
