Хэдхэн жилийн өмнө Завхан аймгийн Цэцэрлэг хотод оршин суух 29 настай эрэгтэй Б нь өөрийн эзэмшлийн Портер машинаараа ухрах хөдөлгөөн хийж байгаад өөрийн төрсөн хоёр настай охин Э-гээ дайран амь насыг нь хохироосон харамсалтай хэрэг гарсаныг эргэн сануулья.  Эцэг эхчүүдийн багахан зэргийн анхаарал сулрахад л ээж, аавын хайртай бяцхан үрс харуусмаар байдлаар амиа алдах нь олонтаа. Ийм төрлийн гэмт хэргүүд мэр сэр гарч эцэг, эхчүүд элгэн саднаа гунигт автуулсаар хөөрхий үрс хорвоог орхидог. Хүнд болгоомж хэзээд илүүдэхгүй гэдгийг энэ хэрэг сануулах биз.

Тэгвэл өчигдөрхөн буюу хүүхдийн баярын маргааш БЗД-ийн 8-р хорооо  "......" ХХК-ны хашаан дотор автомашинд мөргүүлж гэмтсэн хүүхэд байна" гэсэн мэдээллийг цагдаагийн байгууллагад өгчээ. Дуудлагын дагуу цагдаагийн алба хаагчид очиж шалгахад БЗД--ийн 8 хороонд суух 60 настай эрэгтэй Э нь "Mitsubishi L-200" автомашинаар ухрах үйлдэл хийж байгаад БЗД-ийн 19-р хороонд суух 4 настай, эрэгтэй Г -г мөргөж гэмтээсэн байна. Хэргийг БЗД-ийн цагдаагийн гуравдугаар хороо шалгаж байна.

Д.Дуулим