Ерөнхий сайд С.Баяртай холбоотой мэдээллийн талаарх баримтыг гишүүн Г.Уянгаас АТГ-ынхан хураан авсан бөгөөд шаардлага гарвал дахин дуудаж мэдүүлэг авна гэдгээ мэдэгджээ. С.Баярын хувьд хилийн чанадад хэл үггүй чимээгүйхэн амьдарч байгаа. 

Гадаадад ажиллаж, амьдардаг хэсэг залуус түүний тансаг хаусыг илрүүлж, Монголын эрх баригчид руу мэдээллийг явуулсан нь түүнийг ийнхүү буруутгаж, авлигын хэргээр шалгахад хүргэв. Учир нь, тэрбээр Оюутолгойн гэрээг хийсэн гол хүн бөгөөд уг гэрээг хийснийхээ төлөө гадаадад өндөр үнэ өртгөөр долоон хаус худалдаж авсанаа нууцласан байна гэх мэдээлэл гараад буй. 

УИХ-ын гишүүн Г.Уянгын ярьж буйгаар “С.Баяр Оюутолгойн гэрээг өөрийнхөө хар толгойгоор хариуцна гэдгээ хэлж байсан хүн. Тиймээс одоо ирж, энэ гэрээ яаж хийгдсэн, ямар замаар явсан гэдгийг ний нуугүй тайлагнах хэрэгтэй байна. Хаанаас, ямар мөнгөөрөө байр сав авсанаа ч ярих ёстой. Түүнээс би хувийн өш хонзон санаад энэ бүгдийг хэн нэгний ятгалгаар хийгээд байгаа зүйл үгүй. Тэр хүнийг ч сайн танихгүй. Зүгээр л эл яригдаж байгаа баримтуудын талаар ард түмэндээ тайлагнах цаг нь болсон” гэж ярьжээ. 
Эх сурвалж www.wikimon.mn