Хошин урлагийн “Шинэ үе” продакшны залуу жүжигчин Б.Отгонтуяа багагүй хугацаанд үерхэж нөхөрлөсөн найз залуутайгаа хэдэн жилийн өмнө тоонот гэрт толгой холбон, хоёр хөөрхөн хүүхдийн эцэг эх болоод байгаа билээ. Нөхөр нь хэдий найруулагч мэргэжилтэй боловч одоогоор хувийн бизнес эрхэлдэг бөгөөд тэд анх оюутны байранд танилцаж байсан түүхтэй аж. Оюутан цагаасаа эхлэн үерхэж, хамт амьдарсан найз залуутайгаа  нижгэр хурим хийн, гэр бүлийн амьдрал зохиосон жүжигчин Б.Отгонтуяа хайрын сонин түүхээ хэнээс ч нуух дургүй юм билээ.

Ямар сайндаа л, нөхөртэйгээ анх үерхэж байхдаа хөдөөгүүр аялан тоглолт хийхээр явахын өмнөхөн гэнэтхэн муудалцаж, хэд хоногийн турш усан нүдэлсэн тухайгаа тэрбээр илэн далангүй ярьсан байдаг. Гэвч жүжигчин бүсгүй хөдөөнөөс эргэж ирээд хайрттайгаа учраа ололцсон бөгөөд залуу хос урьдынхаас илүү дотносч, төд удалгүй хамтын амьдралаа зохиосон түүхтэй юм билээ. Ийнхүү охин, хүү хоёртой болж, гэр бүлийн аз жаргалаа тэгшитгэсэн жүжигчин Б.Отгонтуяа нөхөртэйгээ хамт авахуулсан зургаа олонд дэлгэж, үзэгч фэнүүдийнхээ сэтгэлийг амраажээ.

Б.Содон

Эх сурвалж: PHOTONEWS.MN