Төмөр замын дуу бүжгийн эрдмийн чуулгаас гаралтай гэгддэг дуучин Б.Батболдыг сонсогч фэнүүд нь “Би Монгол эр хүн дээ”, “Олонтой явсан аав”, “Санасан сэтгэл”, “Хоёр маргаз уул” зэрэг уран бүтээлээр нь андахгүй мэднэ.

МУГЖ С.Батсүхийн ивээлд багтсанаар чуулгын уран бүтээлээс илүүтэй хувийнхаа карьерт анхаарч эхэлсэн тэрбээр богинохон хугацаанд амжилтанд хүрч, олны танил болж чадсан нэгэн. Гэвч уужуу тайван ухаантай, омог бардам Монгол эрчүүдийн тухай ихэд бахархалтайгаар дуулдаг Б.Батболд урлагийнханы дунд “Богино хугацаанд олон эхнэр сольсон адтай эр” хэмээх давхар хоч зүүж явдаг сурагтай.

Амьдралын бэрх шалгуурт унаж бүдрэн, архи дарсанд хөлчүүрхэн алдаж оносон, басхүү осол аваарт өртөн хүндхэн өдрүүдийг туулж явах үед нь түшиж тулсан хань ижлээ тэрбээр амжилтын манан дунд “гээж” орхижээ. Олны танил болсон цагаасаа хойш дөрвөн ч эхнэр сольж амжсан дуучин залуу маань сүүлийн үед олны танил хүмүүсийн дунд бараг бичигдээгүй хууль мэт мөрдөгдөөд байгаа томоохон шалгуурыг давж чадсангүй. Амжилтанд хүрээд авгайгаа сольдог “моод” ийнхүү мань дуучныг тойрсонгүй ээ.