21-р зууны хөгжлийг цахим орон зайгүйгээр төсөөлөхийн аргагүй. Өнөө цагт интернэт цахим орчинд суурилсан аливаа мэдээлэл олон нийтэд асар хүчтэй хүрч, нөлөөлөх болсон. Үүнтэй уялдан цахим орчныг “удирдаж чаддаг” мэргэжилтэн бэлтгэх асуудал нийгмийн эрэлт хэрэгцээ шаардлагаар бий боллоо. Эл эрэлт хэрэгцээ шаардлагыг олж харсан Монголын Сайтын Холбоо, Отгонтэнгэр Их сургуулийн Сэтгүүл зүйн тэнхимтэй хамтран 21-р зууны магадгүй хамгийн эрэлттэй, бас хэрэгцээт мэргэжил болох Цахим сэтгүүлч мэргэжилтэн бэлтгэх бакалаврын зэрэг олгох анхны ангийг нээхээр болж бүртгэлээ эхлүүлээд байна.
Төрийн байгууллагын хэвлэлийн ажилтнууд, яам тамгын газрын мэргэжилтнүүд, компанийн маркетингийн менежерүүд, төрийн болон хувийн хэвшлийн компанийн захирлуудын туслахууд, сэтгүүлч мэргэжлээ гүнзгийрүүлэн суралцахыг хүссэн хүмүүcт зориулсан Цахим сэтгүүл зүйн ОРОЙН ангийн бакалаврын зэрэг олгох сургалтын бүртгэлийг явуулж байна. Бид Герман, Англи, Орос зэрэг улс орнуудын Их сургуулиудын Цахим сэтгүүлчийн мэргэжил олгоход хэрэгжүүлдэг сургалтын хөтөлбөрийг Монголын орондоо “нутагшуулан” цоо шинэ хөтөлбөрөөр хичээлээ явуулахаар боллоо.
Та Цахим сэтгүүлч мэргэжлээр 2.5 жилийн оройн ангийг төгсснөөр 21-р зуунд улам бүр өсөн нэмэгдэж байгаа цахим орчины хэрэглээ, тухайлбал, Вэб дизайн аргачлалд суралцах, вэб сайт болон фэйсвүүк, твиттер орныг хөгжүүлэх, видео болон фото мэдээ боловсруулах, Мульти медиа технологийг эзэмших, цахим суурьтай реклам боловсруулах зэрэг мэдлэг, ур чадварыг эзэмшсэн “Цахим сэтгүүлч” мэргэжлээр бакалаврын зэрэгтэй боловсон хүчин болж төгсөхийн зэрэгцээ хэвлэл мэдээллийн PR хийх, сошиал медиа орчинд ажиллаж чаддаг цаг үеийн хамгийн эрэлт хэрэгцээтэй мэргэжилтэн болон төгсөх болно.
Хаана: Отгонтэнгэр Их сургууль
Бүртгэл: 09 сарын 30 хүртэл
Холбоо барих утас: 99097233, 88084523
