Орхон аймгийн АН-ын аймгийн ИТХ-ын сонгуульд нэр дэвшигчид “Шударга үнэний төлөө тэмцэгч-33 багийг байгуулжээ. Орхон аймгийн АН-ын хорооны эдгээр нэр бүхий гишүүд иргэд, сонгогчид, ардчиллыг эрхэмлэгч ард түмэндээ хандаж Сонордуулга гаргасан байна. Энэхүү Сонордуулгын талаар мэдэгдэхээр УИХ-ын сонгуулийн 47-р тойрогт АН-аас нэр дэвшигч Д.Одхүүгийн иргэдтэй хийсэн уулзалтан дээр очиж албан ёсоор мэдэгджээ.
Энэхүү сонордуулгыг гаргах болсон шалтгаан, эдгээр нэр бүхий гишүүд Үндсэн хуулинд заасан сонгогдох эрхээ зөрчүүлж байгаа нь УИХ-ын сонгуульд 47-р тойрогт нэр дэвшигч Д.Одхүүтэй холбоотой гэдгийг илэрхийллээ.
Аймгийн АН-ын “Шударга үнэний төлөө тэмцэгч-33” багийн гишүүдээс УИХ-д нэр дэвшиж байгаа Д.Одхүүд үүсээд байгаа асуудлын талаар ил захидал илгээсэн боловч хариу ирүүлээгүй. Д.Одхүү шүүхийн шийдвэрийг уландаа гишгэн Шонхор фракцийн 18 гишүүнээр хууль бусаар нэр дэвшүүлэхийг зохион байгуулсан гэдгийг энэ үеэр АН-ын нэр бүхий гишүүд хэлж байлаа. УИХ-ын сонгуульд нэр дэвшигчийн хувьд иргэдтэй хийж буй уулзалтынхаа үеэр Д.Одхүү дээрх асуудлаар “Шударга үнэний төлөө тэмцэгч-33” багийнханд ямар нэгэн тайлбар хэлсэнгүй.
Шударга үнэний төлөө тэмцэгч-33 багаас нийтлүүлэв
