“Иргэдийн шударга шүүх ТББ, “Хүсэл зорилгоо нэгтгэе” Үндэсний хөдөлгөөнөөс УИХ-ын гишүүдэд зарлан дуудах хуудас илгээх болсноо мэдэгдсэн. Тодруулбал, эхний ээлжинд буюу 10 дугаар сарын 15-ны өдөр Иргэний хяналтын газар /ИХГ/-т ирж мэдүүлэг өг гэж шаардаж байгаа юм. Тэгвэл өнөөдөр тус хөдөлгөөний тэргүүн Х.Бат-Ялалт УИХ-ын 76 гишүүнд зарлан дуудах хуудсаа хүргүүлжээ. Энэхүү зарлан дуудах хуудас ямар учиртай талаар Х.Бат-Ялалтаас тодруулахад “Их хурлын гишүүд бол ард түмнээс сонгогдсон тэдний өмнө хариуцлага хүлээдэг, ажлаа тайлагнах ёстой хүмүүс. Гэтэл илтэд Монгол улсад, Монгол хүнд ашиггүй гэрээ хэлэлцээр хийх, хууль дүрэм баталж, эрх мэдлийн төлөө үхэн хатан тэмцэлдэж байгаа. Тиймээс л Ард түмэн дуудаж мэдүүлэх авах юм. Их өрийн тухай, газар нутгийн бүрэн бүтэн байдлын тухай, Шударга ёсны тухай гэх мэт” хэмээн тайлбарлалаа.
Б.Чимэг
Zaluu.com
