Н.Алтанхуягийн Засгийн газрын үед хэрэгжсэн “Нүүрс” хөтөлбөрийн мөнгөнөөс завшсан хэрэгт холбогдсон Л.Гансүх нарын 10 гаруй хүний хэргийг АТГ-аас шалгаад саяхан прокурорт шилжүүлжээ. Тэдгээр холбогдогчдын нэг, “Нүүрс” хөтөлбөрт оролцсон MGL SB болон MGL SBD компанийн менежерээр ажиллаж байсан М.Тулгыг эрүүл мэндийн шалтгаанаар батлан даалтанд гаргасан байна. Тэрбээр харгалзагч нарт зодуулсны улмаас хуучин эмгэг нь сэдэрч хоёр хөл дээрээ босч, удаан явж чадахгүй болсон тул тэргэнцэр ашиглаж буй аж. Тэдний буруугаас “Багануур” ХК-д 2.8 тэрбум төгрөгийн хорихол учирсан нь тогтоогдоод байгаа. Харин энэ хэргээс оргон зайлж, эрэн сурвалжлагдаж буй Л.Эрдэнэбулганы хэргийг тусгаарласан бололтой. Тэрбээр Н.Алтанхуягийн ахлах зөвлөхөөр ажиллаж байсан Л.Гансүхийнх нь туслахаар ажиллаж байжээ.
Б.Баяр
Эх сурвалж: Tumen.mn
