 Их, дээд сургуульд элсэгчдээс хоёр дахь жилдээ эх хэлний шалгалт авч байна. Элсэгчдийн эх хэлний боловсролын хэрэглээний чадварын түвшинг тогтоох зорилго бүхий шалгалтын босго оноог өнөө жил 400-аар тогтоосон бөгөөд шалгуулагчдын үнэлгээ өнгөрсөн жилээс өссөн дүнтэй гарчээ. Өнөө жил шалгалтад 21493 шалгуулагч хамрагдсаны 13658 нь хөдөө орон нутгийн, 5943 нь Улаанбаатар хотын харьяалалтай байлаа. Монгол хэл бичгийн шалгалтыг 2 үе шаттай зохион байгуулж байгаа бөгөөд эхнийх нь 3 дугаар сарын 21-нд болж өнгөрсөн. Тус шалгалтад 400 ба түүнээс бага хэмжээст оноо авсан шалгуулагчид 4 дүгээр сарын 25-нд дахин шалгалт өгөх эрхтэй юм байна. Эхний шалгалтаар нийт шалгуулагчдын 84.7 хувь нь 400-аас дээш оноо авчээ.
Боловсролын үнэлгээний төвөөс Монгол Улсын Засгийн Газрын 37 дугаар тогтоол иргэдийн эх хэлний боловсролын чанарыг ахиулах зорилгоо хангаж байна гэж үзэж байна. |
