Манай иргэдийн эмийн хэрэглээ өсөх хандлагатай байгаа. Эмгүйгээр өвчнийг эдгээх боломж муу тул арга ч үгүй биз. Гэхдээ эмийн бус эмчилгээ тус дэм үзүүлж буй. Харамсалтай нь өнөөгийн манай зах зээлд борлуулагдаж байгаа эмийн 70 орчим хувь нь бүртгэлгүй гэсэн судалгаа гарчээ. Энэ бол аюултай үзэгдэл гэж мэргэжилтнүүд хэлж байна. Эрүүл мэндийн яамнаас өнгөрсөн онд “Манайд хуурамч эм бэлдмэл орж ирээгүй” гэсэн нь хүмүүсийн дургүйцлийг төрүүлээд авсан. Гэтэл хуурамч орж ирсээр байгаа аж. Нэгэнт бүртгэл хяналтанд ороогүй эмийн дотор хуурамч эм олон болох нь тодорхой. Иймээс Эрүүл мэнд, спортын сайд Г.Шийлэгдамба саяхан “Эмийн чанар, аюулгүй байдлын мэдээллийн нэгдсэн систем нэвтрүүлнэ” гэлээ.
Б.Баяр
Эх сурвалж: Tumen.mn
