Ерөнхий боловсролын сургуулийн хүүхэд банк дээрэмдэхээр завдсан байна. Уг хэрэг Дорноговь аймагт гарчээ.Тус аймгийн Цагдаагийн байгууллагаас хэргийн талаар “2015 оны 04-р сарын 01-ний өглөө 06 цаг 05 минутын орчим Төмөр замын 3-р баг, Барилга орон сууцны конторын байранд байрладаг “Төрийн банк”-ийг дээрэмдсэн гэмт хэрэг гарлаа. Хамгаалалтын албаны ажилчид сонор сэрэмжтэй, сайн ажилласны үр дүнд эд зүйл, бэлэн мөнгийг дээрэмдэж амжаагүй, нэвтэрч ороод зугтсан байгаа юм.
Ингээд цагдаагийн бие бүрэлдэхүүнийг түргэн шуурхай ажиллуулсаны дүнд, 06 цаг 25 минут буюу үндсэндээ 20 минутын дотор гэмт этгээдийг баривчиллаа. Энэ баривчлах үйл ажиллагаа мөн л цагдаагийн байгууллагын албан хаагчдын мэргэжлийн ур чадвар, ард иргэдийн сонор сэрэмжтэй байдлын үр дүн гэж үзэж байна. Гэмт этгээд маань ЕБС-ийн сурагч, иргэн Б байсан бөгөөд түүний унаж явсан мотоцикль болон эд зүйлийг хураан аваад байна” гэв.
Эх сурвалж: Bolod.mn
